Pétur Björgvin Þorsteinsson

Djákni í Glerárkirkju og Evrópufræðingur (MA)

Pétur Björgvin Þorsteinsson er fæddur á Dalvík 7. febrúar 1967. Stúdent frá Menntaskólanum á Akureyri. Lauk námi frá Karlshöhe í Ludwigsburg, Þýskalandi 1996 af námsbraut í djáknafræðum og trúaruppeldi (Diakonie und Religionspädagogik) 1996. Lauk síðara embættisprófi djákna í Württembergísku kirkjunni 1999. Útskrifaðist með meistaragráðu í Evrópufræðum frá Háskólanum á Bifröst í febrúar 2009. Starfaði sem æskulýðsfulltrúi kirkjunnar í prófastsdæminu Vaihingen / Enz 1996-2000, sem fræðslufulltrúi og síðar framkvæmdastjóri við Háteigskirkju 2000-2004. Djákni í Glerárkirkju frá frá 1. janúar 2005.

Pétur Björgvin hefur verið virkur leiðtogi í kirkjulegu æskulýðsstarfi frá haustinu 1983 og komið að margskonar verkefnum og efnisútgáfu. Hann er meðal annars annar höfundur námsefnisins sem notað er í Farskóla leiðtogaefna. Haustið 2005 lauk hann námskeiði fyrir þjálfara innan styrktaráætlunar Evrópusambandsins sem nefnist ,,Ungt fólk í Evrópu". Sem æskulýðsþjálfari kemur Pétur Björgvin að innlendum og samevrópskum æskulýðsverkefnum.

Heimasíða Péturs Björgvins er http://pb.is