Spurningar - Trúin og lífið

Undirsíður

Önnur svör

Svör sem birt voru í sama mánuði

Hvar er tólf spora starf?

Anna spyr:

Ég hef áhuga á að fara á námskeið í tólf spora vinnu eftir áramótin 2004/5. Getið þið bent mér á hvaða kirkjur verða með þessi námskeið í byrjun árs.
(Ég bý í austurbænum í Reykjavík).

Bestu þakkir fyrir ykkar góða vef.

Halldór Reynisson svarar:

Uppfært
Síðan þetta svar birtist hefur verið opnaður nýr vefur um tólf spora starfið, sjá nánar svar við annarri fyrirspurn um tólf spora starfið hér á vefnum.

Nýr tólf spora hópur byrjar mánudaginn 10. janúar kl. 20 í Laugarneskirkju. Farið er yfir kynningarefni næstu fjóra mánudagana á opnum fundum. Engin skuldbinding er þó gerð fyrr en á fjórða fundi og eftir það hefst hin eiginlega sporavinna í litlum, lokuðum hópum.

Í vetur er tólf spora hópastarf í eftirtöldum kirkjum í Reykjavík:

Laugarneskirkja
Hallgrímskirkja
Neskirkja
Bústaðakirkja
Grensáskirkja
Fríkirkjan í Hafnarfirði
Hjallakirkja í Kópavogi
Kirkja Óháða safnaðarins í Reykjavík
KFUM+KFUK
og á landsbyggðinni eru hópar starfandi við þessar kirkjur:

Landakirkja í Vestmannaeyjum
Selfosskirkja
Grundarfjarðarkirkja
Holt í Önundarfirði
Hvammstangakirkja
Akureyrarkirkja
Glerárkirkja á Akureyri
Egilsstaðakirkja
Opnir fundir eru í Laugarneskirkju á mánudögum kl. 18:00.

Opnir fundir eru í Kirkju Óháða safnaðarins á miðvikudögum kl. 18.00 og verður fyrsti opni fundurinn miðvikudaginn 19. janúar og síðan vikulega eftir það.

Opnir ellefta spors fundir eru í Fríkirkjunni í Hafnarfirði á fimmtudögum kl. 20.00.

Kirkjurnar eru smátt og smátt sjálfar farnar að sjá um kynningu á tólf spora starfi sínu, eftir því sem meiri reynsla skapast á hverjum stað, og er víða um mjög öflugt starf að ræða með ágætri þátttöku bæði karla og kvenna. Það er augljóst að þar sem kirkjan gerir tólf spora starfið að sínu verkefni og auglýsir með öðru starfi hefur það dafnað vel og verið vettvangur þar sem fólk tekst á við tilveruna í nærveru Guðs og með öðru fólki.

Nánari upplýsingar um veitir Margrét Eggertsdóttir verkefnisstjóri tólf spora starfsins. Netfang hennar er. maggegg@simnet.is en síminn 692 0532.

13/1 2005 · Skoðað 6092 sinnum

Ummæli frá lesendum

Berglind Hilmarsdóttir skrifar:
Ég hef mikinn áhuga á að komast á námskeið í 12 spora kerfinu ! Er einhver kirkja með námskeið núna, þ.s. ég er ekki of sein að byrja? kv. Berglind Hilmars
Margrét skrifar:
Komdu sæl Berglind, Því miður eru engir nýir hópar að byrja í Tólf sporunum núna. Þetta er prógram sem við þurfum margar vikur til að fara í gegnum svo að við byrjum á haustin og svo líka stundum strax eftir áramót. Það eina sem ég get boðið þér upp á núna eru opnu fundirnir þar sem allir mega koma. Þeir eru á tveim stöðum 1) í Laugarneskirkju á mánudögum milli kl. 18.00-19.00 og 2) í Kirkju Óháða safnaðarins á miðvikudögum kl. 18.00-19.00 Á þessa fundi kemur fólk sem hefur farið í gegnum sporin og eins þeir sem eru að vinna sporin og allir sem vilja kynna sér þessa vinnu eru hjartanlega velkomnir. Svo verða nýjar byrjanir í september og gott er að fylgjast þá með auglýsingum frá kirkjunum. Kveðja, Margrét E.
Árni Svanur skrifar:
Núna hefur verið opnaður nýr vefur um 12 spora starfið. Þar er m.a. að finna upplýsingar um starfið haustið 2005. Vefslóðin er www.viniribata.is.

Langar þig að bera fram spurningu? Gerðu það þá hér.

Þín ummæli

Forsíða · Skoða svarflokka · Höfundar · Leit