Virðulega stofnun,

Fyrir nokkrum mánuðum var haldin arkitektúrsamkeppni um nýja þjónustubyggingu í Gufunesi. Niðurstöður voru sagðar koma í desember en þarsem ég hef ekkert heyrt, þá datt mér í hug að spyrjast fyrir. Vitið þið kannski hvenær niðurstaða má vænta?

Með vinalegri kveðju,
Orri Steinarsson

Sæll Orri.

Meðfylgjandi eru upplýsingar um úrslit samkeppninnar, en á efstu hæð Perlunnar stendur nú yfir sýning á þeim tillögum sem bárust. Allar frekari upplýsingar er hægt að fá hjá skrifstofu Kirkjugarða Reykjavíkur í Fossvogi sími: 585 2700.

Samkeppni um hönnun þjónustumiðstöðvar í Gufuneskirkjugarði

Niðurstöður dómnefndar í samkeppni um hönnun þjónstubygginga við Gufuneskirkjugarð liggja fyrir. Þær urðu eftirfarandi:
1. verðlaun: Höfundar: Arkibúllan ehf, Hólmfríður Jónsdóttir, arkitekt FAÍ og Hrefna Björg Þorsteinsdóttir, arkitekt FAÍ. Myndlistarmenn: Berghall, Anna Hallin MFA og Olga S. Bergmann MFA. Aðstoð og innblástur: Árni Bergmann, rithöfundur, Heba Sigurgeirsdóttir, nudd- og ilmolíufræðingur og Pétur H. Ármannsson, arkitekt FAÍ.

2. verðlaun: Höfundar: Studio Grandi. Hljóðráðgjöf: Ólafur Hjálmarsson.

3. verðlaun: Höfundar: Kurt og Pí, Ásmundur Hrafn Sturluson, arkitekt FAÍ og Steinþór Kári Kárason, arkitekt FAÍ. Aðstoð: Massimo Santanicchia, arkitekt.

Verðlaunafjárhæðir voru: 1. verðlaun, kr. 2.500.000, 2. verðlaun, kr.1.600.000 og 3. verðlaun, kr. 1.000.000. Einnig voru veitt þrenn innkaup í samkeppninni, á kr. 300.000 hver.

Innkaup: Höfundar: Gláma – Kím arkitektar. Ráðgjöf: Landslag ehf.
Innkaup: Höfundar: Yrki Arkitektar ehf.
Innkaup: Höfundar: Kristín Brynja Gunnarsdóttir, Hildigunnur Sverrisdóttir og Andri Snær Magnason.

Alls bárust 18 tillögur í samkeppninni. Dómnefnd var skipuð eftirtöldum fulltrúum: Þórsteini Ragnarssyni, forstjóra, sem var formaður dómnefndar, Ólafi Sigurðssyni arkitekt FAÍ og Ellý K. Guðmundsdóttur, forstöðumanni Umhverfis og heilbrigðisstofu Reykjavíkur, en þau voru tilnefnd af útbjóðanda. Fulltrúar Arkitektafélags Íslands í dómnefnd voru Elín Kjartansdóttir arkitekt FAÍ og Hans-Olav Andersen arkitekt FAÍ. Trúnaðarmaður samkeppninnar var Haraldur Helgason arkitekt FAÍ og ritari Þórólfur Jónsson, deildarstjóri Garðyrkjudeildar Reykjavíkurborgar.

Bestu kveðjur,
Guðmundur Rafn