Trúin og lífið
Spurningar

Undirsíður

Skyld svör

  1. Hvar nálgast ég skírnarvottorð?
  2. Hvaða áhrif hefur úrsögn úr Þjóðkirkjunni?
  3. Hvaða inntökuskilyrði eru í Þjóðkirkjuna?
  4. Er hægt að fermast í kirkju ef maður er ekki skírður?
  5. Bræður sem skírnarvottar

Önnur svör

Svör sem birt voru í sama mánuði

  1. Afstaðan til giftingar samkynhneigðra
  2. Foreldrar, fermingarfræðsla og gjald
  3. Hvað heitir skálin sem börn eru skírð upp úr?
  4. Kirkjan, Darwin og aparnir
  5. Málfar bænarinnar
  6. Af hverju er svona erfitt að gefa saman fólk af sama kyni?
« Hvar finn ég jólaguðspjallið á vefnum?
Hvaða útgáfa Biblíunnar var algengust í Englandi við upphafi 20. aldar? »

Er of snemmt að fermast 14 ára?

Katla Björg Kristjánsdóttir spyr:

1. Finnst ykkur ekki aðeins of snemmt að fermst 14 ára?

2. Er hægt að affermast?

3. Hvernig segir maður sig úr kirkjunni? Þarf samþykki foreldra?

Íris Kristjánsdóttir svarar:

Sæl og blessuð Katla Björg.

Ég heiti Íris og er prestur í Hjallakirkju í Kópavogi. Mér var falið að svara spurningum þínum varðandi ferminguna.

1. Finnst ykkur ekki aðeins of snemmt að fermst 14 ára?

Sumum finnst það of snemmt, öðrum ekki. Ég er viss um að þú fengir ólík svör frá okkur prestunum um þetta en ég ætla að segja þér mína skoðun. Mér finnst þetta góður aldur. Ástæðan er sú að krakkar á þessum aldri eru að mörgu leyti miklu móttækilegri fyrir ýmsum hlutum heldur en þau sem eldri eru. Þau eru líklegri til að taka við boðskap kristninnar á jákvæðan hátt og þannig að hann geti haft mótandi áhrif á þau. Ég er á þeirri skoðun að þau séu orðin nógu þroskuð til að velja sjálf að taka þátt í fermingarfræðslu og fermast af eigin hvötum og áhuga, og meini það sem þau segja á fermingardag þegar þau eru spurð hvort þau vilji gera Jesú Krist að leiðtoga lífsins. Auðvitað taka krakkar þessu misalvarlega en rétt þeirra til að velja ber að virða og styðja. Hvað finnst þér um þetta?

2. Er hægt að affermast?

Nei, það er ekki hægt að “affermast”, ekki frekar en “afskírast”.

3. Hvernig segir maður sig úr kirkjunni? Þarf samþykki foreldra?

Hægt er að segja sig úr kirkjunni með því að útfylla eyðublað sem Hagstofa Íslands gefur út. Þau sem eru undir 16 ára aldri þurfa samþykki foreldra. En vonandi ertu nú ekki á leiðinni úr þjóðkirkjunni, Katla mín! Hafðu endilega samband ef þú þarft svör við fleiri spurningum.

Kv. Íris Kristjánsdóttir,
Hjallakirkju.

13/12 2005 · Skoðað 3145 sinnum

Ummæli frá lesendum

  1. Guðmundur Guðmundsson skrifar:
    Af hverju er ekki hægt að affermast? Skírnin er annað af sakramentum kirkjunnar (að mér skilst), en fermingin ekki. Ef hægt er að slíta kirkjulegu hjónabandi, sem ekki er sakramenti frekar en ferming, af hverju gildir þá ekki það sama um fermingu?
  2. Íris Kristjánsdóttir skrifar:
    Spurt er: Af hverju er ekki hægt að affermast? Jú, því ekki tökum við aftur þann atburð sem þá gerist. Einstaklingurinn getur hins vegar hvenær sem er tekið til baka loforðið sem hann gaf á fermingardeginn, þ.e. breytt "já-inu" í nei. Því auðvitað er það ákvörðun hvers og eins hvort hann/hún kjósi að játa trú á Jesú Krist eða ekki. Hins vegar breytir það ekki því að eitt sitt stóð þessi sami einstaklingur og játaði trúna á fermingardaginn. Þess vegna finnst mér rangt að segja að hægt sé að affermast . Brúðhjón sem játast hvort öðru á brúðkaupsdag geta ekki breytt atburðinum sem slíkum - en þau geta endurskoðað ákvörðunina og skilið, ef svo ber undir.
  3. Matthias Ásgeirsson skrifar:
    "Þau sem eru undir 18 ára aldri þurfa samþykki foreldra. " Hið rétta er að allir sem hafa náð 16 ára aldri "geta tekið ákvörðun um inngöngu í skráð trúfélag eða úrsögn úr trúfélagi" (sjá 8. grein laga um skráð trúfélög).
  4. Árni skrifar:
    Takk fyrir ábendinguna Matti, við höfum lagfært svarið.

Langar þig að bera fram spurningu? Gerðu það þá hér.

Þín ummæli

Nafn:
 
Netfang:
 
Ummæli:
 

Forsíða · Skoða svarflokka · Höfundar · Leit

Pistlar
Postilla
Almanak
Spurningar