Af hverju eru ekki allar kirkjur með Alfa námskeið

Sæl Sjöfn

Ástæða þess að allar kirkjur eru ekki með Alfa námskeið liggur í mismunandi áherslu hvers safnaðar varðandi sína fræðslu. Í fullorðinsfræðslunni hafa sumir söfnuðir lagt áherslu á 12 spora námskeið meðan aðrir söfnuðir hafa sýnt áhuga á Alfa o.s.frv. Einnig starfrækir kirkjan Leikmannaskóla Þjóðkirkjunnar og þar eru haldin margvísleg námskeið um margt það sem varðar trú og trúariðkun. Styrkleiki fullorðinsfræðslunnar og trúfræðslunnar er fjölbreytni til að mæta þörfum leitandi fólks og Alfanámskeiðið er einn góður kostur af mörgum.

Vonandi svarar þetta spurningunni þinni

Irma Sjöfn