Hæ.

Ég hef eina spurningu: Hvað var haft til viðmiðunar þegar ritin í Nýja testamentinu voru valin? Hverjir voru mælikvarðarnir?

Kveðja,
Ása

Komdu sæl Ása og takk fyrir spurninguna.

Clarence E. Glad fjallar um þá mælikvarða sem voru notaðir í bók sinni Átökin um textann. Hann segir að mælikvarðarnir hafi aðallega verið fimm:

„Í fyrsta lagi skyldu ritin vera samin af postula eða einhverjum nánum samstarfsmanni Jesú. Í öðru lagi ættu þau að bera augljós einkenni rétttrúnaðarins og trúarreglu hans. Í þriðja lagi var rit talið áreiðanlegra þess eldra sem það var. Í fjórða lagi kom spurningin um guðlegan innblástur ritanna til umfjöllunar, og í fimmta lagi hvort ritið hafi verið notað og þá af hverjum og hversu lengi.“ (Bls. 42)

Clarence fjallar nánar um þetta í bókinni sinni.

Bestu kveðjur,
Irma Sjöfn

Heimildir
Clarence E. Glad: Átökin um textann. Nýja testamentið og upphaf kristni (Háskólaútgáfan, Reykjavík: 2004).