Spurningar - Trúin og lífið

Undirsíður

Skyld svör

Önnur svör

Svör sem birt voru í sama mánuði

Fermingaraldur og leyfi biskups

Vésteinn Valgarðsson spyr:

Það fylgdi fermingar-aukablað Mogganum í 17. mars 2006, þar sem kom fram að yngsta fermingarbarnið þá væri 12 ára strákur, og að það hafi þurft leyfi frá biskupnum til þess að ferma hann svona snemma. Hvers vegna þurfti leyfi frá biskupnum?

Kristján Valur Ingólfsson svarar:

Komdu sæll.

Í embætti biskups felst að hann skuli hafa tilsjón með kristnihaldi þjóðkirkjunnar, kenningu hennar og öllu starfi hennar í landinu.

Hann er æðsti yfirmaður kirkjustarfsins. Í þjóðkirkjunni er meginreglan sú að börn fermist á því ári sem þau fylla fjórtán ár. Það er gömul hefð fyrir því að þegar mikið vantar uppá sé óskað eftir því við biskupinn að hann veiti undanþágu og leyfi að barnið sé fermt. Ástæðan er m.a sú að þar með þarf presturinn sem fermir að rökstyðja óskina með umsögn um þroska og þekkingu barnsins sem hann gefur biskupnum. Hér er ekki um lög eða reglur að ræða, heldur fyrst og fremst góða venju. Ólíklegt er að nokkrar líkur séu á því að biskup myndi synja leyfisins ef presturinn metur það svo að barnið megi ferma.

Kveðja,
Kristján Valur

26/9 2006 · Skoðað 2819 sinnum

Ummæli frá lesendum

Gummi skrifar:
Þetta var svoltið áhugaverð spurning. Má ég bæta við hana aðeins?ég skil nefnilega ekki svarið, sem hljómar svo. Það er gömul hefð fyrir því að þegar mikið vantar uppá sé óskað eftir því við biskup að hann veiti undanþáu. hverjar eru helstu ástæðurnar fyrir því að foreldrar láti fermabörn sín fyrr en áætlað sé? er það vegna veikinda barns eða einhverjar aðrar ástæður.
Fiffi skrifar:
Án þess að geta svarið fyrir þetta dæmi eða alhæft þá þekki ég þess dæmi að fjölskyldur hafa verið að flytja erlendis ekki séð fram á að koma heim í bráð en viljað fá fræðslu og athöfn hérlendis í tilteknu trúfélagi. Þá gerist það líka að sameiginleg athöfn er haldin systkinum en það tiltekna dæmi sem ég vissi um var bara vegna þess að stutt var á milli systkina. Hugsinin á bak við slíkt er ekki endilega af fjárhagslegum aðstæðum, eins og margir kunna að halda, heldur getur oft verið erfitt að hóa saman stórum fjölskyldum sem dreift er um allt land og allan heim og vissulega leiðinlegt að geta ekki gert báðum eða öllum systkinum jafn hátt undir höfði.

Langar þig að bera fram spurningu? Gerðu það þá hér.

Þín ummæli

Forsíða · Skoða svarflokka · Höfundar · Leit