Hvar er elsta kirkjan á Íslandi og hvað er hún gömul

Sæll Birgir Þór.

Elsta kirkja landsins telst vera dómkirkjan á Hólum, byggð á árunum 1757-63, vígð 1763. Í kjölfarið fylgdu Bessastaðakirkja, Viðeyjarkirkja og Landakirkja í Vestmannaeyjum.

Rétt er þó að benda á að kirkjan í Gröf á Höfðaströnd var reist rúmri öld áður eða uppúr miðri sautjándu öld. Kirkjan var endurreist um miðja tuttugustu öld og endurvígð 1953 en þá hafði hún um langt skeið verið notuð sem skemma, í henni er afar lítið af upprunalegu kirkjunni annað en formið sjálft. Svipaða sögu má segja um bænhúsið á Núpsstað.

Með kveðju
Gunnar Kristjánsson