Hvað er langt síðan að jesú var krossfestur?

Spurt er: Hvað er langt síðan Jesús var krossfestur?

Helstu heimildir okkar um Jesú er að finna í guðspjöllunum fjórum í Biblíunni. Í Matteusar- og Lúkasarguðspjöllunum er greint frá fæðingu Jesú en að öðru leyti er lítið sem ekkert fjallað um bernsku og uppvöxt hans. Undantekning er þó ein, hin þekkta frásögn um Jesú 12 ára í Musterinu í Jerúsalem er hann hvarf foreldrum sínum um tíma. Sú frásögn er í Lúkasarguðspjalli 2:41-51.

Til eru í öðrum ritum en ritum Biblíunnar frásagnir um æsku Jesú en þær eru yfirleitt með yfirbragði helgisagna og erfitt að meta sagnfræðilegt gildi þeirra.

Almennt er talið út frá rannsóknum á ritum Biblíunnar að Jesú hafi verið um þrítugt er hann var skírður og hóf starf sitt. Samkvæmt sömu heimildum og reyndar öðrum er álitið að hann hafi verið 32-33 ára er hann var krossfestur. Þar sem tímatal okkar er miðað við fæðingu Jesú má finna út að nú séu því liðin 1973 eða 1974 ár síðan hann var krossfestur.

Kveðja,
Svavar Stefánsson