Góðan dag.

Mig langar að spyrja hvort sé leyfilegt að opna kistu aftur eftir að henni hefur verið lokað eftir kistulagningu.

Ég spyr vegna þess, að nýlega varð dauðsfall í fjölskyldunni og sumir geta ekki verið viðstaddir þessa athöfn þar sem hún verður í öðru bæjarfélagi og er yfir heiði að fara. Þeir sem ekki geta farið, vilja að kistan verði opnuð aftur og kistulagningin endurtekin.

Kær kveðja.

Sæl.

Mjög óvenjulegt er að kista sé opnuð aftur eftir kistulagningu. Sú athöfn sem við köllum kistulagningu eða kistulagningarbæn er það síðasta sem gert er áður en kistu er lokað, að viðstöddum nánustu ástvinum og oftast presti sem leiðir athöfnina. Reynt er sjá til þess að það sé ekki gert fyrr en allir þeir sem ætla að vera viðstaddir geti mætt. Ef einhver getur ekki komið á þeirri stundu er séð til þess að þau sem vilja eiga stund með hinum látna við opna kistu geti gert það áður en kistulagning fer fram, á þeim tíma sem hentar.

Ég þekki ekkert dæmi þess að kistulagning fari fram, kistu sé lokað og síðan sé hún flutt á annan stað þar sem hún er opnuð aftur og önnur kistulagning fari fram þar. Ég myndi telja það óráðlegt. Það er hinsvegar ekki hægt að segja að það sé bannað. Þetta er mjög óvenjulegt dæmi. Að mínu viti þarf fjölskyldan að ræða þetta við prestinn sem annast kistulagningu og útför, og útfararstjóra ef það á við. Ef til vill gæti verið sá kostur að kistunni væri ekki lokað endandanlega eftir kistulagningu, heldur væri hún flutt suður þar sem útförin verður gerð, og þau sem ekki kæmust norður gætu þá út sína stund við opna kistu áður en að útförin fer fram.

Bestu kveðjur,
Kristján Valur